Kryetari i Qeverisë së Republikës së Maqedonisë së Veriut, Dimitar Kovaçevski, në një intervistë për MIA-në gjatë pjesëmarrjes në Forumin Ekonomik Delphi, theksoi se agresioni ushtarak i Rusisë kundër Ukrainës dëshmoi se duhet të ketë bashkëpunim të ngushtë mes vendeve, veçanërisht ndërmjet vendeve fqinje.
Duke theksuar pasojat ekonomike të kësaj lufte, Kovaçevski i vlerësoi si katastrofike për Evropën, para së gjithash për shkak të mungesës së energjisë, sidomos të gazit, dhe se këto janë pasoja që do të ndihen në të ardhmen.
“Ne shohim që çmimet e energjisë kanë rritjen më të madhe në histori. Çmimet e ushqimeve janë rritur historikisht më së shumti. Mungesa e ushqimit tashmë po shfaqet në kontinentin evropian, siç dëshmojnë të gjitha raportet ekonomike nga të gjitha vendet. Mungesa e energjisë, veçanërisht e gazit, rezervat në Evropë janë në nivelin më të ulët të mundshëm dhe këto janë pasoja që do të ndihen në të ardhmen.
Në intervistë, Kovaçevski thekson se sa më gjatë të zgjasë lufta në Ukrainë, aq më të thella do të jenë ato pasoja.
“E shihni që inflacioni është rritur në nivelin më të lartë historik në Evropë, është normale dhe e transferuar tek ne, sepse ekonomia jonë është e vogël dhe e hapur dhe është e lidhur kryesisht me ekonominë gjermane. Kështu, nëse shikojmë normat e inflacionit në Gjermani, ato janë identike me atë që është në Republikën e Maqedonisë së Veriut.
Në një intervistë, kryeministri tha se vendi kishte marrë masa në kohë për të ndihmuar në parandalimin e goditjeve të mëdha të çmimeve të ndjera nga shumë vende.
“Janë marrë një sërë masash para fillimit të këtij viti me uljen e TVSH-së për energjinë elektrike, sepse kriza energjetike kishte filluar para luftës. Ne miratuam gjithashtu një pako prej 26 masash kundër krizës që synojnë uljen e akcizës dhe TVSH-së për naftën dhe derivatet e naftës. Falë këtyre masave ne kemi çmimin më të ulët të naftës dhe derivateve të naftës në rajon. Çmimet e ushqimeve u kufizuan gjithashtu, duke ngrirë fillimisht çmimet dhe më pas duke ulur tatimin mbi vlerën e shtuar nga pesë për qind në zero për ushqimet bazë dhe duke kufizuar marzhet e shitjes me pakicë dhe shumicë për të parandaluar rritjet e çmimeve me çka patëm sukses,” ka potencuar Kovaçevski.
Në intervistë ai shton se për kategoritë më të cenueshme të qytetarëve janë përcaktuar mjete financiare prej 1000 denarë në muaj për t'i mbuluar llogaritë e tyre dhe e kemi ngritur pagën minimale në 18000 denarë.
“Para ardhjes së Qeverisë së LSDM-së dhe partnerëve të koalicionit, paga minimale ishte dy herë më e ulët, pra 9 mijë denarë. Është rritur edhe paga mesatare dhe në shumicën e sektorëve në vend në vitet e fundit pagat janë rritur mbi 20 për qind gjatë tre viteve të fundit. E gjithë kjo është vërejtur nga institucionet financiare ndërkombëtare, por edhe nga mediat rajonale dhe qytetarët, duke e dhënë praktikisht Maqedoninë e Veriut si shembull pozitiv të menaxhimit të mirë të kësaj krize”, tha kryeministri Kovaçevski për MIA-në.
Bëhet fjalë për një krizë jashtëzakonisht e madhe, tha Kovaçevski në intervistë, duke shtuar se për këtë përgjegjësia është edhe më e madhe dhe Qeveria është në nivelin e detyrës që në këto kohë të vështira t'u sigurojë qytetarëve gjithçka që u nevojitet.
“Si Kryeministër jam në komunikim të përditshëm me kryeministrat e rajonit. Gjatë javës së kaluar pata një bisedë telefonike me presidentin e Serbisë, z. Vuçiq, gjatë bisedës telefonike për një kohë shumë të shkurtër, u pajtuam që të përmbushim marrëveshjet që kompanitë tona nga industria private e mullirit që i kanë me kompani nga Serbia dhe u lejua eksporti në kuotën e plotë prej 100 mijë tonësh për vendin. E njëjta gjë vlen edhe për produktet e tjera ushqimore. Ne i ndihmojmë edhe kompanitë që të mund të sigurojnë lëndë të parë për prodhim dhe furnizim të pandërprerë të popullatës”, tha kryeministri Kovaçevski në një intervistë për MIA-n.
