Ministria për Marrëdhënie Ndërmjet Bashkësive i kryen punët që kanë të bëjnë me:

• sigurimin dhe koordinimin e mbështetjes së Qeverisë gjatë zbatimit të prioritetit strategjik në lidhje me obligimet që dalin nga Marrëveshja Kornizë,
• sigurimin dhe realizimin e mjeteve financiare të nevojshme për realizim të suksesshëm të procesit të realizimit të obligimeve që dalin nga Marrëveshja kornizë në suazat e Buxhetit të Republikës së Maqedonisë dhe nga donatorët,
• sigurimin e koordinimit dhe harmonizimit të punës së organeve të administratës shtetërore për zbatimin e Marrëveshjes Kornizë,
• promovimin dhe mbrojtjen e të drejtave të pjesëtarëve të bashkësive si grup i qytetarëve të Republikës së Maqedonisë së Veriut, të cilët tradicionalisht jetojnë në territorin e Republikës së Maqedonisë së Veriut, ku pjesëtarët e saj kanë përkatësi të ndryshme etnike, gjuhësore, kulturore, fetare ose veçori të tjera dhe udhëhiqen nga dëshira për mbrojtjen dhe kujdesin e veçorive të tyre,
• monitorimin e zbatimit të së drejtës së përdorimit të gjuhëve dhe shkrimeve të bashkësive,
• garantimi i mbrojtjes së identitetit etnik, kulturor dhe gjuhësor të bashkësive,
• bashkëpunimin ndërkombëtar për çështjet që kanë të bëjnë me marrëdhëniet ndërmjet bashkësive,
• çështje të tjera që kanë të bëjnë me marrëdhëniet ndërmjet komuniteteve,
• monitorimi i gjendjes së marrëdhënieve ndërmjet bashkësive në Republikën e Maqedonisë së Veriut në nivel kombëtar, sipas rajonit dhe në njësitë e vetëqeverisjes lokale dhe përgatitja e raporteve dhe rekomandimeve për Qeverinë e Republikës së Maqedonisë së Veriut, si dhe për Komitetin për marrëdhëniet ndërmjet bashkësive,
• promovimin dhe marrjen e masave për promovimin e përdorimit të gjuhës që e flasin së paku 20% e qytetarëve të Republikës së Maqedonisë së Veriut,
• dhënia e mendimeve profesionale për materialet që janë në funksion të zbatimit dhe avancimit të përdorimit të gjuhës që e flasin së paku 20% e qytetarëve të Republikës së Maqedonisë së Veriut,
• dhënia e mbështetjes për Qeverinë në sigurimin e përfaqësimit të drejtë dhe adekuat të qytetarëve që u përkasin të gjitha bashkësive në organet e administratës shtetërore,
• dhënia e mbështetjes në përgatitjen e metodologjisë për miratimin e planeve të veprimit të Qeverisë në fushën e përfaqësimit të drejtë gjatë punësimit dhe
• kryen punë të tjera të përcaktuara me ligj.

Në përbërjen e Ministrisë për Marrëdhënie Ndërmjet Bashkësive janë edhe:

• Drejtoria e Zhvillimit dhe Përparimit të Arsimit të Gjuhëve dhe Pjesëtarëve të Komuniteteve
• Drejtoria e Afirmimit dhe Përparimit të Kulturës të Pjesëtarëve të Komuniteteve