Në bazë të nenit 9 të Ligjit për Qendrën Shtetërore të Provimeve (“Gazeta Zyrtare e Republikës së Maqedonisë” nr. 142/2008, 148/2009, 41/2014, 55/2016 dhe 142/2016 dhe 64/2018), Qeveria e Republikës së Maqedonisë së Veriut publikon

SHPALLJE PUBLIKE nr. 08/2023
për përzgjedhjen e drejtorit të Qendrës Shtetërore të Provimeve

1. Qeveria e Republikës së Maqedonisë së Veriut, me propozim të ministrit të Arsimit dhe Shkencës, do të emërojë drejtorin e Qendrës Shtetërore të Provimeve, për një periudhë pesëvjeçare dhe me mundësi të rizgjidhet.

2. Për drejtor të Qendrës Shtetërore të Provimeve mund të zgjidhet personi që plotëson këto kushte:
    1) Të jetë shtetas i Republikës së Maqedonisë së Veriut;
    2) Në momentin e përzgjedhjes me aktgjykim fuqiplotë nuk i është shqiptuar dënim apo sanksion kundërvajtës ndalesë për kryerjen e profesionit, veprimtarisë ose detyrës;
    3) Të ketë marrë së paku 240 kredi sipas SETK ose shkallën e VII/1 të përfunduar të arsimit;
    4) Të ketë së paku gjashtë vjet përvojë pune në veprimtarinë edukativo-arsimore ose në një organ të administratës shtetërore kompetente për punët e arsimit dhe 
    5) Të posedojë një nga certifikatat e njohura ndërkombëtarisht ose vërtetime për njohje aktive të gjuhës angleze jo më të vjetër se pesë vjet:
     -TOEFEL IBT–së paku74 pikë,
     - IELTS (IELTS)– së paku 6 pikë, 
     - ILEC  (ILEC) (Cambridge English: Legal) –së paku nivelin B2, 
     - FCE (FCE) (Cambridge English: First) – të kaluar 
     - BULATS (BULATS) –së paku 60 pikë ose
     - АPTIS (АPTIS) –së paku nivelin  B2.

3. Për drejtor të Qendrës Shtetërore të Provimeve mund të emërohet person, i cili përveç kushteve të përmendura në pikën 2 të shpalljes, duhet t’i përmbushë edhe kriteret shtesë të shënuara në fletëparaqitjen e disponueshme në lidhjen në vijim:

https://vlada.mk/sites/default/files/dokumenti/prijava_za_oglas_1.pdf 

https://vlada.mk/sites/default/files/dokumenti/struktura_na_dopolnitelni_dokumenti_1.docx

4. Me fletëparaqitjen kandidatët detyrimisht duhet ta dorëzojnë dokumentacionin e mëposhtëm:
     1) Fletëparaqitje të shpalljes;
     2) Biografi të shkurtër;
     3) Letër Motivuese;
     4) Planin dhe programin për punën në vijim,
     5) Vërtetim të Shtetësisë
     6) Dëshmi se në momentin e përzgjedhjes me aktgjykim fuqiplotë nuk i është shqiptuar dënim apo sanksion kundërvajtës ndalesë për kryerjen e profesionit, veprimtarisë ose detyrës;
     7) Diplomë për  arsimin e lartë të kryer me 240 kredi të marra sipas SETK ose shkallën VII/1 të kryer të arsimit;
     8) Pasqyrë të evidentuar në Agjencinë e Punësimit të RMV-së ose në FSPIMV-së si përvojë pune, se ka së paku gjashtë vjet përvojë pune në veprimtari edukativo-arsimore ose në organin e administratës shtetërore kompetente për çështjet e arsimit;
     9) Certifikatë të njohur ndërkombëtarisht ose vërtetim për njohje aktive të gjuhës angleze jo më të vjetër se pesë vjet;
      - TOEFEL IBT(TOEFEL IBT) –së paku 74pikë,
      - IELTS (IELTS) –së paku 6pikë, 
      - ILEC (ILEC) (Cambridge English: Legal) –së paku nivelin B2, 
      - FCE (FCE) (Cambridge English: First) –të kaluar, 
      - BULATS (BULATS) –së paku 60 pikë ose
     - АPTIS (АPTIS) –së paku nivel B2.

5. Dokumentet nga pika  4 duhet të parashtrohen në origjinal ose kopje të noterizuar dhe të njëjtat të dorëzohen në arkivin e Qeverisë së Republikës së Maqedonisë së Veriut ose me postë në adresën: Qeveria e Republikës së Maqedonisë së Veriut Bul. ,,Ilinden nr. 2, 1000 Shkup me shënimin: “Për Shpalljen Publike për emërimin e drejtorit të Qendrës Shtetërore të Provimeve”.

6. Dokumentet e kërkuara nuk i zëvendësojnë format ekzistues të përcaktuara me Ligjet dhe aktet nënligjore në kompetencë të MSHIA- së dhe ligjet e veçanta që i përcaktojnë kushtet e përgjithshme dhe të veçanta për zgjedhje/emërim.

7. Dokumentet e kërkuara mund të jenë publike (në faqen e internetit) të Institucionit për kandidatin/ten të cilat janë zgjedhur/emëruar dhe në funksion të transparencës dhe ndjekjes së përmbushjes së tyre nga organet mbikëqyrëse (Qeveria, Kuvendi, Bordet Mbikëqyrëse dhe trupa të ngjashëm).

8. Afati për paraqitjen e kandidatëve të interesuar është 5 ditë, llogaritur ditën e publikimit të shpalljes në shtypin ditor.

9. Shpallja do të publikohet në faqen e internetit të Qeverisë së Republikës së Maqedonisë së Veriut.

10. Dokumentacioni jo i plotë dhe dokumentacioni i dorëzuar pas skadimit të afatit për aplikim nuk do të shqyrtohet.