Byroja e Prokurimeve Publike do ta vendos në funksion versionin e ri të avancuar të Sistemit elektronik të prokurimeve publike, me funksionalitete të reja dhe mjete të avancuara për lehtësimin e punës si të prokuruesve, po ashtu edhe të ofertuesve, nga 1 prilli 2025.

 

“Bëhet fjalë për një reformë të rëndësishme që do ta avancojë procesin e prokurimeve publike, do ta rrisë transparencën dhe efikasitetin e të gjithë procesit, ndërsa dokumentacioni standard dhe i thjeshtuar hap mundësinë që më shumë kompani të marrin pjesë në këtë proces dhe  gjithashtu rrit konkurrencën. Me versionin e ri vendosen teknologji inovative që do të gjenerojnë analiza të avancuara të të dhënave, me të cilat do të arrihet përgjegjshmëri më e madhe në shpenzimin e mjeteve publike”, theksoi ministrja e Financave Gordana-Koçoska.

Mjetet e reja mundësojnë dhe kontribuojnë në harmonizimin e standardeve dhe rregullativës së BE-së dhe gjithashtu kjo do të thotë hap përpara në vendosjen e SEPP-së si pjesëmarrës zyrtar (e-Sender) në platformën e publikimit të tenderave të BE-së (TED), ku implementohet procesi i krijimit në mënyrë automatike i dokumentacionit të tenderit, me ç’rast do të përmirësohet në mënyrë të konsiderueshme cilësia e dokumenteve të tenderit, do të reduktohen gabimet dhe lëshimet dhe në këtë mënyrë do të reduktohet anulimi i procedurave. Respektivisht, do të shkurtohet edhe koha për pjesëmarrje në procedurat dhe do të arrihet siguri dhe integritet më i madh në krijimin e ofertës.

Vendosja e mjetit për strukturimin e ofertës financiare të kompanive do të thotë llogaridhënie më e madhe dhe monitorim më i lehtë të çmimeve, do të mundësojë monitorim më të mirë dhe analizë më të detajuar të çmimeve të ofertave dhe vlerave të marrëveshjeve të prokurimeve publike, krahasim të çmimeve individuale të një lënde të njëjtë të prokurimit me institucionet e tjera, krahasim me çmimet në vitet paraprake etj.. Me këtë, do të monitorohet ecuria e përgjithshme e çmimeve të produkteve dhe shërbimeve në tregun e prokurimeve publike, analiza krahasuese, projektimi i trendeve etj..

Përmirësimi i përgjithshëm i sistemit, përskaj benefiteve dhe përmirësimeve të lartpërmendura, paraqet bazën e reformës më të madhe të radhës në punën e sektorit publik, si për shembull vendosjen e e-faturës së unifikuar për prokurimet publike në bashkëpunim me Drejtorinë e të Hyrave Publike.

Ekipi i Byrosë së Prokurimeve Publike, i udhëhequr nga drejtoresha Mare Bogoeva Mickovska, mbetet i përkushtuar për përmirësimin e vazhdueshëm të Sistemit të prokurimeve publike në të gjitha fushat, si në pjesën e vendosjes së mjeteve elektronike inovative, po ashtu dhe në përforcimin e integritetit dhe besimin në politikat e prokurimeve publike.