Prej sot, Shkupi dhe zyrtarisht lidhen drejtpërdrejt me Parisin përmes linjës së re ajrore Shkup-Paris. Mëngjesin e sotëm, në Aeroportin Ndërkombëtar të Shkupit,  u realizua fluturimi i parë nga Parisi edhe atë nga Aeroporti Orly për në Shkup të aviokompanisë nga Easyjet.

Linija do të realizohet dy herë në javë dhe është vendosur si rezultat i mbështetjes financiare që e mundësoi Qeveria përmes Ministrisë së Transportit përmes Programit për vednosjen e destinacioneve të reja.

Sipas marrëveshjes, kompania ajrore EasyJet do ta operojë këtë linjë nga sot, 2 prill, deri më 31 dhjetor 2027, me një orar fluturimesh të caktuar më parë. Si Qeveri po krijojmë kushte me çka kemi tërhequr kompani ajrore të reja në Maqedoni dhe rezultatet tashmë janë të dukshme. Tetë destinacione të reja nga aeroporti i Shkupit dhe dy nga aeroporti i Ohrit janë vendosur në një periudhë të shkurtër. E kemi ndryshuar plotësisht modelin e subvencionimit dhe në vend të mbështetjes për largim, japim mbështetje financiare për pasagjerët që vijnë, sepse qëllimi është që sa më shumë njerëz të vijnë në Maqedoni dhe kjo do të thotë se do të përdorin shërbime të tjera në vend dhe kjo është një strategji që e zbatojmë nga fillimi dhe që po na jep rezultate konkrete. Tashmë po negociojmë me kompani ajrore të tjera dhe mendoj se jemi në rrugë të mirë për të arritur marrëveshje për destinacione të reja,” theksoi  zv.kryeministri Nikoloski.

Linja Shkup-Paris është pjesë e marrëveshjes për mbështetje financiare për vendosjen e linjave të reja ajrore, të realizuar nga Ministria e Transportit përmes një thirrje publike për subvencionim.

Nga Shkupi, përveç Parisit, po futen edhe linjat drejt Dubait, Stuttgart, Lyonit, Barcelonës, Gjenevës dhe Amsterdamit, ndërsa nga Ohri drejt Stambollit dhe Baselit.

“Kjo është një mundësi tjetër për një komunikim më të mirë dhe lidhje të Maqedonisë me shtetet dhe metropolet evropiane. Parisi është një destinacion atraktiv për udhëtim, por po ashtu më e rëndësishme është që do të sjellim turistë në Maqedoni.

Sipas Programit për mbështetje financiare 2025-2027 të miratuar nga Qeveria, janë parashikuar 360 milionë denarë për subvencione për vendosjen e linjave të reja ajrore.

Ky Program ka për qëllim përmirësimin e trafikut ajror, sigurimin e destinacioneve të reja përmes kushteve të favorshme për udhëtim për qytetarët, si dhe zhvillimin e aviacionit civil.