“Nuk kemi asnjë dilemë për t’i dhënë garancitë." "Ne jemi popull paqësor dhe nga ne vetëm mund të pritet që të ndërtojmë miqësi dhe bashkëpunim", tha Kryeministri Zaev, duke u përgjigjur në pyetjen e “Fokus”, me rastin e deklaratës së Presidentit Bullgar Rumen Radev se Bullgaria dëshiron garanci të qarta për sigurinë e saj nacionale dhe interesat e saja kombëtare.
Në këtë rast, Kryetari i Qeverisë, Zaev shtoi se “nëse mendohet për emrin e shkurtër dhe të gjatë, Maqedonia e Veriut është e njëjtë si Republika e Maqedonisë së Veriut dhe pikërisht i referohet vendit pa ndonjë pretendim territorial as ndaj Bullgarisë as ndaj fqinjëve të tjerë”.
"Përfundimisht, mendoj se Presidenti Radev, i cili është një udhëheqës Evropian, mund të bëjë një hap pozitiv përpara, i cili do t'i japë miqësisë tonë një shans të zhvillohet dhe të rritet, në vend që të lërë gjurmë midis dy popujve”, tha Zaev duke shprehur kënaqësinë e tij nga format krijuese të propozimeve të paraqitura që ministri i Punëve të Jashtme të Portugalisë, Augusto Silva dhe Komisioneri i Evropian Varhei njoftuan kohët e fundit pas vizitës në Sofje dhe Shkup dhe duke shprehur se në fund të ditës Bashkimi Evropian do të japë atë që presim.
Duke theksuar në mënyrë që procesi të ketë sukses, u ra dakord që të mos zbulohen detaje, Zaev shtoi se populli jonë duhet të informohen se kjo është një bazë e mirë dhe se pritjet janë në kuadër propozimit, i cili do të rishikohet nga Qeveria dhe në konsultim me Presidentin e shtetit dhe të gjitha instancat e duhura do të ndërtohen pozicionet e shtetit tonë.
“Është e rëndësishme që do të marrim atë që presim si minimum, dhe kjo është të kujdesemi për gjuhën e pastër maqedonase dhe identitetin maqedonas", theksoi Zaev për “Fokus”, duke përsëritur se udhëheqësit evropianë dhe anëtarët e BE-së kanë konfirmuar se argumentet janë në anën tonë dhe duke pasur parasysh kushtet në Bullgari e cila ka një qeveri teknike, pritet që në periudhën e ardhshme, pas sesionit të Këshillit të Ministrave - GAK, të fillojmë me Konferencën e Parë Ndërqeveritare.
Në lidhje me propozimin e opozitës që të braktiset marrëveshja dhe të bëhet një e re, me më shumë garanci ndërkombëtare, Kryeministri Zaev thotë se është shumë jo serioze të anulohet një marrëveshje, e cila tashmë ka filluar të realizohet dhe për të cilin mbetet shumë për të bërë, duke përsëritur se identiteti dhe gjuha janë linja të kuqe të njohura, për të cilat as Qeveria dhe as Unioni nuk mund të diskutojnë dhe t’i ndryshojnë.
"Marr përgjegjësinë e plotë për veprimet dhe politikat e mia, pasi mbaj kurorë dafine sa i përket sukseseve. Sot, vendi respektohet më shumë se kurrë", theksoi Zaev, duke treguar zgjidhjen e gjetur për çështjen e emrit me Greqinë fqinje, e cila tani është jo vetëm një mik, por edhe një partner i rëndësishëm strategjik dhe një nga mbështetësit dhe investitorët më të mëdhenj.
