Kryetari i Qeverisë së Republikës së Maqedonisë së Veriut, Hristijan Mickoski, sot, duke iu përgjigjur pyetjes gazetareske në lidhje me investimet në kulturë, planet për rinovimin e teatrove ekzistuese ose ndërtimin e teatrove të reja, deklaroi:

"Absolutisht, si në çdo fushë tjetër në vend, edhe në kulturë kemi vërtet investime, të cilat do të thoja se janë historike. Këtu, kryesisht  mendoj për investimin në teatrin e Strumicës, i cili më në fund duhet të përfundojë. Procedura e tenderit është përfunduar e kështu me radhë dhe duhet të vihet në funksion.
Procedura për Sallën Universale të Shkupit, kjo është gjithashtu shumë e rëndësishme, procedura për Sallën Universale të Shkupit. Në një bisedë me ministrin, mendoj se prezantimi i zgjidhjes është vërtet modern dhe do t'u pëlqejë banorëve të Shkupit.
Këtu janë të gjitha ato shtëpi kulturore që po rikonstruktohen në të gjithë territorin e Maqedonisë. Pra, investimet janë të nevojshme, ende kemi shumë punë. Ne mund të premtojmë vetëm punë të ndershme, të përkushtuar dhe të madhe. Pjesën tjetër, politikën e ulët, intrigat, konstrukcionet, spekulimet ua lëmë atyre që nuk munden dhe nuk dinë të bëjnë asgjë".