Kryetari i Qeverisës së Republikës së Maqedonisë së Veriut, Zoran Zaev dhe anëtarët e delegacionit maqedonas, zëvendëskryetari i Qeverisë I angazhuar për Çështje Evropiane Nikolla Dimitrov, ministri i Punëve të Jashtme, Bujar Osmani dhe shefja e misionit të përhershëm të Maqedonisë së Veriut në BE, Agnesa Rusi-Popovska në Bruksel patën takim edhe me nënkryetarin ekzekutiv të Komisionit Evropian, Frans Timermans.

Kryeministri Zaev në takim shprehi falënderim për mbështetjen e nënkryetarit e Komisionit evropian Timermans për fillim të bisedimeve aderuese me Maqedoninë e Veriut dhe shtoi se vendi ynë, si dhe Ballkani Perëndimorë anë pjesë nga ardhmëria e Bashkimit Evropian dhe se kjo çështje nuk pret vonesa.

Në një atmosferë shoqërore në takim nënkryetari i KE-së, Timermans shprehi urime për lidershipin dhe për gjithçka që është bërë për përparimin dhe transformimin demokratik dhe reformues të Maqedonisë Veriore në vitet e fundit dhe theksoi se ai mbetet i vendosur në angazhimin e tij personal dhe institucional për të filluar pjesën e fundit të procesit të anëtarësimit të Maqedonisë Veriore në BE.

Bashkëbiseduesit ranë dakord që në këtë proces të mos ketë shkëputje nga Shqipëria dhe se Maqedonia e Veriut ka përmbushur të gjitha kushtet për të filluar negociatat, gjë që u konfirmua në raportet e KE për fillimin e pakushtëzuar të negociatave.

Në takim gjithashtu u diskutua për periudhën post-kovid  dhe mbështetjen e rajonit dhe vendit tonë në fazën e rimëkëmbjes socio-ekonomike, me çka nënkryetari i KE Timmermans si një sukses i veçantë të Maqedonisë Veriore veçoi udhëheqjen për të investuar në burime të ripërtëritshme të energjisë që është një investim serioz i shtetit në projektet që do të marrin ndihmë financiare nga BE përmes Planit të Investimeve Ekonomike dhe programit IPA me vlerë nëntë miliardë euro në ndihmë granti dhe 20 miliardë hua të favorshme shtesë për infrastrukturën dhe projekte të tjera në rajon.