Kryetari i Qeverisë së Republikës së Maqedonisë së Veriut, Dimitar Kovaçevski, në Samitin e jashtëzakonshëm të NATO-s të mbajtur në Bruksel, rikonfirmoi qëndrimet e vendit në mbështetje të krizës ushtarake në Ukrainë, si dhe harmonizimin e plotë të politikës së jashtme me politikën e Bashkimit Evropian dhe shtetet anëtare të saj të cilat ndajnë të njëjtat vlera.
“Është e një rëndësie të veçantë që në kohë krize ushtarake të këtyre përmasave, të gjitha shtetet aleate të veprojnë së bashku dhe të japin mbështetjen e tyre për një vend që mbron të drejtën e tij për integritet territorial dhe sovranitet. Maqedonia e Veriut, si anëtare e NATO-s, tashmë e ka harmonizuar e saj të jashtme me Bashkimin Evropian. Ne i kemi maritatuar të gjitha vendimet të harmonizuara me vendet anëtare të NATO-s dhe BE-së, në mënyrë që të përpiqemi të pengojmë Rusinë nga agresioni ushtarak kundër Ukrainës, dhe si shtet kemi treguar gatishmëri dhe kemi marrë vendime për të identifikuar kapacitetet dhe për të siguruar të gjitha burimet materiale në përputhje me mundësitë tona të nevojshme për të pranuar refugjatë të mundshëm nga Ukraina,” deklaroi Kryeministrit Kovaçevski në intervistën për MIA-n.
Lidhur me situatën e sigurisë në Republikën e Maqedonisë së Veriut, Kryeministri Kovaçevski theksoi se vendi është në gjendje stabile, falë vendimeve të drejta të miratuara strategjike.
“Procesi i integrimit të Republikës së Maqedonisë së Veriut në Aleancën NATO ishte i gjatë dhe i mundimshëm, por tani, në një kohë krize ushtarake të këtyre përmasave, ne shohim se sa e rëndësishme është të jesh një vend që siguria e të cilit garantohet aleanca dhe siguria më e madhe në botë. Maqedonia e Veriut është pjesë e misioneve të Aleancës, si dhe stërvitjeve që ajo kryen rregullisht", theksoi Kovaçevski, duke konfirmuar gjendjen e qëndrueshme të sigurisë në vend.
Lidhur me kërkesat për mbylljen e qiejve mbi Ukrainën, ai tha se qëndrimi i Aleancës është se do të nënkuptonte fillimin e një konflikti ushtarak ndërmjet NATO-s dhe Rusisë, i cili do të përshkallëzohej në një luftë të përmasave të paprecedentë, prandaj Vendimi i NATO-s dhe i vendeve të tjera, të cilat tashmë janë pjesë, por edhe atyre që janë në rrugën e tyre për t'u anëtarësuar në Bashkimin Evropian, mbetet me sanksione ekonomike dhe mjete të tjera joushtarake pwr sanksione për të penguar Rusinë nga veprime të mëtejshme ushtarake.
Në Samitin e Jashtëzakonshëm u shkëmbyen mendime për hapat dhe vendimet e ardhshme që do të ndërmerren në periudhën e ardhshme, për të formësuar të ardhmen e Aleancës dhe forcimin e saj, si dhe për procesin lidhur me Samitin e Madridit që është planifikuar të të mbahet në qershor.
