Kryetari i Qeverisë së Republikës së Maqedonisë së Veriut, Dimitar Kovaçevski, u takua me Filipe Donkel, ambasador jorezident i Dukatit të Madh të Luksemburgut në vend, i shoqëruar nga Petar Arsovski, Konsulli i Nderit i Luksemburgut në vendin tonë.
Në takim u rikonfirmuan marrëdhëniet e mira miqësore të Maqedonisë së Veriut me Luksemburgun dhe përkushtimi i përbashkët për thellimin e bashkëpunimit në të gjitha nivelet.
Në të njëjtën kohë, Kovaçevski i përcolli përshëndetjen e kryeministrit të Luksemburgut Xavier Bethel dhe mbështetjen e plotë për integrimet europiane të Republikës së Maqedonisë së Veriut.
Vlerësohet se vendi ynë praktikisht zbaton vlerat evropiane, gjë që u dëshmua nga zbatimi i politikave në përputhje me Bashkimin Evropian, që u vendos në lidhje me situatën në Ukrainë.
Gjithashtu konsiderohet se vendi ka bërë përparim të madh në proceset reformuese për një kohë të shkurtër, gjë që është respektuar dhe për të cilën, siç është paralajmëruar, vazhdon përkrahja e fuqishme për hapjen e shpejtë të negociatave ndërmjet Republikës së Maqedonisë së Veriut dhe BE-së.
Bashkë u konstatua se fillimi i negociatave ndërmjet Maqedonisë së Veriut dhe Shqipërisë me Bashkimin Evropian është në funksion të stabilitetit të Ballkanit Perëndimor dhe se tani është koha për këtë.
Kryeministri Kovaçevski falënderoi për mbështetjen e madhe nga Luksemburgu dhe për miqësinë e sinqertë me Maqedoninë e Veriut e cila po intensifikohet.
“Qeveria është e përkushtuar ndaj nevojave të njerëzve dhe sfidave pas luftës në Ukrainë. Maqedonia e Veriut është 100% në përputhje me politikat e NATO-s dhe BE-së në lidhje me luftën në Ukrainë dhe kështu në anën e duhur të historisë. Bisedimet me kryeministrin bullgar Petkov po zhvillohen në nivel parimor. Ne kemi harmonizuar në masë të madhe legjislacionin e brendshëm me atë evropian. Tani duhet të valorizohet nga BE-ja, sepse është e rëndësishme edhe për rajonin edhe për BE-në”, tha kryeministri Kovaçevski.
Në takim u bisedua edhe për mundësitë për thellimin e bashkëpunimit ekonomik me Luksemburgun, ku kryeministri Kovaçevski theksoi avantazhet e investimit në vend.
Претседателот на Владата, Ковачевски, упати покана до премиерот на Луксембург, Бетел, за официјална посета на Република Северна Македонија.
