Kryetari i Qeverisë së Republikës së Maqedonisë së Veriut, Dimitar Kovaçevski, në Granada të Spanjës, në suaza të Samitit të Komunitetit Politik Evropianu takua me Kryeministrin e Holandës, Mark Rute.

Në takim u theksua mbështetja e Holandës e cila është ndër donatorët tanë më të mëdhenj dhe vazhdimisht ndihmon në reformat në disa fusha, si respektimi i të drejtave të njeriut, demokracia, sundimi i së drejtës, reformat në gjyqësi, administrata publike, mbrojtja e grupeve të margjinalizuara në shoqëri.

Kryeministri i Holandës, Mark Rute në takim shprehu mirënjohje ndaj Kryeministrit Kovaçevski për mbështetjen dhe respektimin e vendit me politikën e jashtme dhe të sigurisë të BE-së, si dhe mbështetjen për Ukrainën. Njëherit u falënderua që jemi strikt në zbatimin e politikës së vizave.

Kryeministri Kovaçevski shprehu mirënjohje ndaj Holandës për përpjekjet në ndërtimin e institucioneve të pavarura të cilat janë shtyllë e çdo demokracie evropiane.

Të dy kryeministrat shkëmbyen mendime rreth eurointegrimeve, ndërsa qasja objektive e Holandës në vlerësimin e kritereve për inkuadrim të vendit tonë në Union krijon impuls shtesë për dhënien e rezultateve dhe e konfirmon përkushtimin e Qeverisë në agjendën reformuese për anëtarësim më të shpejtë në Bashkimin Evropian.