Kryetari i Qeverisë së Republikës së Maqedonisë së Veriut, Dimitar Kovaçevski, sot vizitoi kompaninë “Vivax”. Në ngjarje morën pjesë zëvendëskryeministri i ngarkuar për çështjet evropiane, Bojan Mariçiq, si dhe ambasadori i Bashkimit Evropian në Republikën e Maqedonisë së Veriut, Dejvid Gir.
“Në Maqedoninë e Veriut ka histori suksesi, siç është “Vivax”, i cili falë entuziazmit, ideve inovative dhe investimeve në modernizimin e prodhimit, sot, përveç lëngjeve, ka zgjeruar gamën e produkteve me lloje të reja të përpunimit të frutave, të cilat janë prodhuar si markë unike maqedonase”, theksoi Kryeministri Kovaçevski në fjalimin e tij në ngjarjen e sotme.
“Sot Maqedonia e Veriut është lider në shfrytëzimin e fondeve IPARD, me shfrytëzim 98%. Thjeshtuam procedurën administrative, afruam masat me të gjithë të interesuarit dhe bujqit i njohën përfitimet. Rezultati është lidhja e mbi 2.300 kontratave në IPARD 2 dhe rritje prej 60% e 97 milionë eurove të reja të pakthyeshme për modernizimin e bujqësisë maqedonase përmes programit IPARD 3”, theksoi Kryeministri Kovaçevski në ngjarjen e sotme, duke shtuar se jemi vendi i parë në rajon që është i gatshëm të fillojë me programin IPARD 3, i cili do të ofrojë më shumë fusha për mbështetje, si dhe parapagim për idetë e propozuara të biznesit.
“Dyert e BE-së janë të hapura, por ne duhet të tregojmë gatishmërinë tonë se mundemi dhe jemi në gjendje të përmbushim pritshmëritë e qytetarëve, të marrim vendimet e nevojshme dhe në këtë mënyrë të arrijmë qëllimin e dytë strategjik të shtetit.
Anëtarësimi i plotfuqishëm në BE deri në vitin 2030 është një qëllim ambicioz, por besoj i arritshëm, i cili do të sjellë shumë përfitime gjatë rrugës, si për qytetarët ashtu edhe për kompanitë si kjo që jemi sot”, theksoi në fund Kryeministri Kovaçevski gjatë vizitës së sotme në "Vivax".
Zëvendëskryeministri i ngarkuar për çështjet evropiane, Bojan Mariçiq, në fjalimin e tij theksoi:
“Rezultatet janë të dukshme se me mbështetjen e këtij programi evropian, përmes investimeve në pajisje, makineri dhe pajisje për përpunim, sektori i përpunimit merr mundësinë për të filluar apo përmirësuar biznesin ekzistues, siç është kompania Vivax”.
Konkretisht, me programin IPARD, bujqit, ekonomia dhe institucionet maqedonase kanë mbështetje të madhe nga partnerët evropianë. Dhe këtë duhet të përdorim dhe të investojmë më tepër, për t'u bërë më të pavarur dhe të vet-qëndrueshëm në aspektin e ushqimit, energjisë dhe zhvillimit ekonomik”.
Ambasadori i Bashkimit Evropian në vend, Dejvid Gir, theksoi se “Vivax” është një shembull se si BE-ja ndihmon për të bërë një ndryshim këtu, në Maqedoninë e Veriut.
“Bujqësia është pjesë e identitetit të këtij vendi, kulturës dhe historisë së tij. Është gjithashtu një nga pasuritë e saj më të mëdha. Ne duam që bujqit, prodhuesit dhe ata që punojnë në këtë sektor të formojnë të ardhmen e tij. E ardhmja në Bashkimin Evropian. Një e ardhme si pjesë e tregut të përbashkët të BE-së”, theksoi ambasadori evropian Gir, në fjalimin e sotëm në këtë ngjarje.
