“Është aktuale këto ditë në opinion dhe ne e dimë që ajo betejë do të jetë shumë e ashpër sepse duopoli që është aktualisht në tregun tonë do të përpiqet në mënyrë konvulsive ta mbajë këtë situatë duopol dhe kjo është e qartë për ne. Por interesi ynë është standardi i qytetarëve dhe jemi të vetëdijshëm që shërbimet e paguara nga qytetarët si rezultat i këtij duopoli që po funksionon mund të jenë nga më të lartat në rajon dhe në Evropë. Mënyra e vetme për t'i dhënë fund këtij duopoli është promovimi i një operatori të tretë celular. Pra, ata krijojnë histori të ndryshme se kompania ka qenë në bashkëpunim me kinezët ose nuk e di se çfarë lloj kompanish. Qëndrimi ynë si Qeveri është i qartë. Duhet ta mbrojmë standardin e qytetarëve, nuk mund të lejojmë që qytetarët të jenë viktima të këtij duopoli që funksionon sot”, ka shpjeguar Kryetari i Qeverisë së Republikës së Maqedonisë së Veriut, Hristijan Mickoski, duke iu përgjigjur pyetjes gazetareske për arsyen e kërkesën për një operator të tretë celular.

Kryeministri Mickoski theksoi se qëndrimi i Qeverisë është i qartë, çdo kompani e interesuar të bëhet operator i tretë mobil dhe pjesë e tregut duhet t'i plotësojë kushtet dhe kriteret në përputhje me përcaktimet e shtetit. Ai theksoi se standardi i qytetarëve duhet të mbrohet dhe të merren parasysh shërbimet që ata marrin.

“Në të njëjtën kohë, qëndrimi ynë është i qartë se çdo kompani që dëshiron të jetë pjesë e tregut dhe të jetë operator i tretë celular duhet të përmbushë kushtet dhe kriteret në përputhje me përcaktimet e shtetit, në përputhje me orientimin strategjik dhe atë origjina e pajisjeve duhet të jetë nga ato vende të cilat eventualisht do të inkorporoheshin nëse do të kishim një kompani të tretë që është e interesuar. Tani është vetëm për interes dhe informim, nuk kemi asnjë hap konkret, nëse ka ndonjë hap konkret publiku do të informohet me kohë. Por ne duhet ta nisim këtë proces për të mbrojtur qytetarin nga ky duopol, i cili për momentin, përveçse është tërësisht politizuar dhe me obstruksione nga udhëheqësit nga disa Qeveri të kaluara, të cilat në shtatë vitet e fundit ndikuan fuqishëm në politikën kadrovike të këtij duopoli.

Në të njëjtën kohë, ne duhet të punojmë për të mbrojtur standardin e qytetarëve dhe shërbimet që ata marrin dhe nuk do të heqim dorë si Qeveri dhe as unë si Kryetar i Qeverisë nga mbrojtja e standardit të qytetarëve dhe marrja e shërbimit të vërtetë që meritojnë në shekullin e 21-të”, ka qenë decid  Kryeministri.