Sot ishte takimi i parë i Këshillit të Investitorëve të Huaj me ekipin ekonomik të Qeverisë, të udhëhequr nga Kryeministri Mickoski, dhe mund të them se kishim disa tema shumë të rëndësishme që i përfshinë  kompanitë e huaja.

Para së gjithash, biseduam për marrëdhëniet e punës, biseduam për arsimin, për çështjet doganore dhe tatimore, të cilat janë shumë të rëndësishme për kompanitë e huaja që punojnë këtu, për infrastrukturën dhe në përgjithësi se çfarë do të thotë dhe sa e rëndësishme është rritja e konkurrueshmërisë së kompanive që funksionojnë këtu prej kohësh.

Kemi pasur rreth 40 kompani të pranishme ku me çdo institucion nga Qeveria drejtpërdrejt i kemi treguar kërkesat dhe nevojat tona, madje edhe ndryshimet potenciale ligjore që duhet të ndodhin në periudhën e ardhshme. Dhe ajo që është e rëndësishme është që kemi pasur një diskutim të frytshëm të detajuar dhe presim që në periudhën e ardhshme, nëpërmjet grupeve të punës me ministritë dhe institucionet e ndryshme, të thellohemi në gjithçka që duhet përshtatur, ndryshuar, përmirësuar, për të krijuar një terren konkurrues pjellor për punë, për mundësinë e investimit shtesë nga ana jonë, por në të njëjtën kohë rreth konkurrencës në procesin e tërheqjes potenciale të kompanive të reja.

Edhe pse ne si kompani këtu po punojmë për të përmirësuar rezultatet dhe sukseset tona këtu, ne e dimë se si kompani që punojnë  me sukses këtu mund të jemi edhe ambasadorë në procesin e tërheqjes së kompanive të reja.