Të nderuar,
Me të vërtetë, mund të shpreh kënaqësinë e madhe në emër të Qeverisë maqedonase për këtë moment që do të thoja historik, sepse për herë të parë në një afat të gjatë është arritur një marrëveshje kur bëhet fjalë për një rritje në përqindje të shumës së parave të nevojshme për pagesën e pagave të punonjësve të shëndetësisë. Falënderim edhe për organizatat sindikale dhe sindikatat që morën pjesë në mënyrë konstruktive me idetë e tyre gjatë të gjithë këtij procesi, së bashku siç u tha edhe nga përfaqësuesit e sindikatave, Ministrisë së Financave, Ministrisë së Shëndetësisë, Fondit të Sigurimeve Shëndetësore, dhe Lazar Jovevskit, i cili është pjesë e kabinetit tim si këshilltar për të drejtën e punës, si dhe bashkë me të tjerët që ishin të përfshirë.
Vërtet kemi arritur një marrëveshje me përmasa historike, përveç koeficienteve të diskutuara deri më tani, të cilat nënkuptojnë një rritje prej 10 për qind të shumës së parave të ndarë për pagat. Tashmë vitin e ardhshëm në mars do të kemi një rritje shtesë prej 5 për qind të shumës së ndarë për pagat për punonjësit e shëndetësisë, vitin e ardhshëm 2026 prej 5 deri në 7 për qind, varësisht nga gjendja dhe gjendja e Buxhetit, të shpresojmë që do të jetë në një gjendje vërtet të shëndetshme dhe ne po punojmë për këtë.
E njëjta rritje prej 5 deri në 7 për qind do të realizohet edhe në vitin 2027, ndërsa në vitin 2028 do të jetë prej 7 deri në 10 për qind. Ose kur e merrni të gjithë këtë periudhë me rradhë, fitojmë një rritje të masës në para të nevojshme për pagesën e pagave të punonjësve të shëndetësisë për të gjithë periudhën midis 40 dhe 50 për qind. Me të vërtetë diçka që është historike dhe unë pres që në ditët në vijim, përsëri edhe nga Ministria e Shëndetësisë edhe Fondi të dalin me porosi të reja pozitive për punonjësit e shëndetësisë dhe me këtë ta përfundojmë atë cikël. Hapi i rradhës janë reformat në vetë sistemin shëndetësor në mënyrë që qytetarët të marrin atë që meritojnë.
Edhe një herë, për mua është një kënaqësi e madhe, që do të thosha është një ngjarje historike, dhe uroj që në të ardhmen të kemi shumë momente të tjera të tilla të bukura.
