Mirëdita edhe nga unë. Sot është një ditë e veçantë për Prespën. Ky vendkalim kufitar, siç kanë thënë folësit e mëparshëm, është vetëm një hap tjetër drejt lidhjes së dy Prespave, në njërën dhe në anën tjetër të kufirit.

Mendoj se shembuj të tillë janë pozitivë për të dyja shtetet. Në atë drejtim, duhet të vazhdojmë të ndërtojmë marrëdhënie, të lidhemi, sepse vetëm në atë mënyrë mund të jemi në thjerrëzën e shteteve më të mëdha.
Sa i përket vetë ngjarjes së sotme, përveç asaj që po fillojmë sot, ndërtimin e kësaj pike kufitare, jam edhe në Resnjë, së bashku me kryetarin e komunës, së bashku me banorët e Resnjës, për të vizituar disa projekte që janë rezultat i punës së administratës, të kryetarit të komunës. Vërtet mbresëlënëse, dhe ne e mbështesim gjithë këtë që po ndodh.

Ndryshe, sa i përket karakteristikave teknike, investimit dhe gjithçka tjetër që ka të bëjë me ndërtimin e këtij pikëkalimi kufitar, më lejoni të falënderoj Bashkimin Evropian, UNDP-në, komunat që janë përfshirë - katër komuna, dy nga Shqipëria, një nga Greqia fqinje dhe një nga Resnja jonë, natyrisht. Kështu që pres që kjo pikë kufitare të lëshohet zyrtarisht në përdorim së shpejti nga sot.