Me rastin e 31 Marsit – Ditës së Gjyqësorit të Maqedonisë, Ministri i Drejtësisë Igor Filkov dërgoi mesazh urimi ku thotë se, gjyqësori duhet të ketë kapacitet dhe dituri për të ndërtuar sistem efikas, transparent dhe përgjegjës i cili do të sigurojë drejtësi për secilin.
 
“Pavarësia e sistemit të gjyqësorit është themel i shtetit juridik dhe garanci për sundimin e së drejtës. Pa gjyqësor të pavarur, drejtësia ngel e paarritshme, ndërsa besimi i qytetarëve po luhatet. Gjyqësori duhet të ketë kapacitet dhe dituri për të ndërtuar sistem efikas, transparent dhe përgjegjës, i cili do të sigurojë drejtësi për secilin. Vetëm me gjykim të pavarur dhe të paanshëm, mund të ndërtojmë shoqëri ku ligjet do të vlejnë njësoj për të gjithë. Drejtësi dhe përgjegjësi patjetër duhet të ketë!
 
Integriteti dhe profesionalizmi i gjyqtarëve, prokurorëve publikë, avokatëve të shtetit, ushtruesve të funksioneve publike, avokatëve, ndërmjetësuesve, noterëve, përmbaruesve, nëpunësve gjyqësor dhe këshilltarëve gjyqësor, policisë gjyqësore dhe të gjithë të punësuarve në gjykata, janë kyçe për drejtësi të shpejtë, efikase dhe të drejtë. Sundimi i së drejtës nuk guxon të jetë vetëm përpjekje deklarative, por realitet në çdo gjykatore dhe në çdo institucion.
 
Gëzuar Ditën e Gjyqësorit të Maqedonisë!”
Igor Filkov, Ministër i Drejtësisë