Drejtori i Byrosë për Siguri Publike pranë MPB-së Aleksandar Janev sot (02.04.2025) e hapi punëtorinë e Interpolit për urdhërarrestin e argjendtë, e cila zhvillohet prej 2 deri më 3 prill të vitit 2025 në Shkup, në të cilën marrin pjesë rreth 60 prokurorë publikë, nëpunës policorë dhe përfaqësues nga institucionet financiare kompetente për kthimin e pasurisë së fituar në mënyrë kriminale, nga Shtetet Evropiane dhe SHBA-ve. 
Punëtoria është e përqendruar në diskutimin për implementimin e veglës së re unike të INTERPOLIT, përmes së cilës shteteve anëtare u bëhet e mundur luftimi më i suksesshëm i krimit të organizuar dhe serioz dhe forcimi i bashkëpunimit ndërkombëtar të veprimtarisë policore, përmes drejtimit të kërkesave dhe shkëmbimit të informacioneve për lokalizimin, identifikimin dhe marrjen e informatave për pasurinë e fituar në mënyrë kriminale jashtë shtetit. 
Si pjesë e grupit punues të ekspertëve të INTERPOLIT për urdhërarrestin e argjendtë ndërmjet 32 shteteve të botës, si dhe si pjesë e projektit pilot për urdhërarrestin e argjendtë ndërmjet 51 shteteve të botës, shteti ynë është shteti i vetëm i rajonit në Ballkanin Perëndimor, i cili jep kontribut aktiv në fazën pilot për lëshimin e urdhëarresteve të argjendta, me vendosjen e koordinimit të ngushtë në shkallë kombëtare me të gjitha shërbimet kompetente për zbatimin e ligjit. Procesi i kthimit të pasurisë së fituar në mënyrë kriminale ka rëndësi të veçantë në luftën kundër krimit dhe korrupsionit, kontribuon në shkatërrimin e rrjeteve kriminale dhe përforcimin e besimit të qytetarëve. Përmes kthimit të pasurisë së përfituar në mënyrë kriminale, goditet drejtpërdrejt shtytësi i veprimtarisë kriminalе – përfitimi i profitit dhe prapavija domethënëse ekonomike, që ka domethënie thelbësore për funksionimin e rrjetit kriminal, ndërsa, nga ana tjetër, hapet mundësi për gjenerimin  mjeteve financiare për zhvillimin e mëtejmë dhe forcimin e sistemit ligjor në shtetet.