Kryetari i Qeverisë, Hristijan Mickoski, gjatë debatit mbikëqyrës në Kuvend kushtuar mjedisit jetësor, në përgjigje të pyetjes së deputetes Karolina Nastovska në lidhje me kontributin e amvisërive në ndotjen e ajrit në qytetet më të mëdha dhe mënyrën se si të zgjidhet ky problem, theksoi:

"Nuk ka mënyrë tjetër, përveç asaj për të cilën tashmë e kam thënë. Ajo është që të kemi ngrohje qendrore të  kontrolluar nga larg. Nuk ekziston mënyrë tjetër. Ose nëse vazhdojmë me procesin e gazifikimit sekondar dhe tercial, për të sjellë gazin deri te amvisëritë, e më pas të instalohen kaldaja me gaz, të cilat do të prodhojnë ujë të ngrohtë për ngrohjen e shtëpive. Aty ku tani përdoren dru, ose në disa vende përdoret vaj ekstra i lehtë për djegie, naftë etj., ose ngrohje të kontrolluar nga larg.

Si mund ta realizojmë këtë? Vetëm me një qasje të organizuar. Mënyra e dytë është, nëse i qasemi problemeve në mënyrë të pjesshme, për të cilën nuk jam përkrahës i madh, është të subvencionojmë instalimin e pajisjeve inverter-klima, ose të subvencionojmë pompa termike, të cilat do të instaloheshin në shtëpitë e tyre e me të cilat ata më tutje do të prodhonin ngrohje dhe ftohje për shtëpinë. Kur bëhet fjalë për ngrohjen, unë jam më shumë për ngrohjen e kontrolluar nga larg – ndoshta do të kërkojë më shumë kohë, por kur kjo të përfundojë, do të thotë se me siguri do të kemi ngrohje të kontrolluar nga larg dhe sigurisht kemi burimin më të lirë për ngrohjen e shtëpive tona."