Kryetari i Qeverisë Hristijan Mickoski, në seancën e sotme parlamentare të dedikuar për pyetje deputetësh, e përshkroi marrëveshjen strategjike me Mbretërinë e Bashkuar si një moment historik si për shtetin, ashtu edhe për rajonin, sepse një prani e fuqishme e njërit prej faktorëve politikë udhëheqës në botë këtu në këtë rajon ka shumë rëndësi për qytetarët, për shtetin, por edhe për të ardhmen e rajonit, duke e shpjeguar marrëveshjen, ai e ndau atë në dy pjesë – politike dhe ekonomike – edhe pse, ato bashkohen.
Në pjesën ekonomike, është e rëndësishme të theksohet se si shtet kemi shumë synime dhe projekte strategjike që përmenden prej dekadash, por për fat të keq nuk arrijmë t’i realizojmë. Hekurudha, Koridori 10 të modernizohet, rikonstruktohet, zgjerohet dhe të mbindërtohet. Autostrada, spitale, objekte energjetike, Çebrenin dhe Galishtë e përmendim me dekada të tëra, jemi përpjekur të gjejmë investitorë, por nuk kemi mundur t’i gjejmë deri tani, e kështu me radhë. Nëse analizohen të gjitha këto, mund të konkludohet se në të kaluarën ka pasur shumë pengesa – njëra prej tyre ishin financat, tjetra mungesa e vullnetit dhe guximit politik, dhe e treta mungesa e investitorëve, tha Mickoski dhe shtoi se tani ato pengesa janë tejkaluar me faktin se financat janë siguruar, ekziston një kornizë prej 6 miliardë euro, dy qeveritë kanë arritur marrëveshje, ndërsa deputetët e kaluan në Parlament pa asnjë keqpërdorim.
Në përgjigjen e tij, Kryeministri foli edhe për akuzat e opozitës se procesi nuk ishte transparent, se nuk dihej se në çfarë kushtesh do të merreshin financat, çfarë do të shpenzohej, si do të shpenzohej, pse qënka kështu, a ka mundësi që të ndodhë ndonjë keqpërdorim, për të cilat Mickoski vlerësoi se këto "anatema" janë pjesë e skenës politike parazgjedhore.
Kjo marrëveshje që nënshkruam, dhe që ju deputetët e miratuat, është një marrëveshje politike për një partneritet strategjik midis nesh dhe Mbretërisë së Bashkuar. Në pjesën e financave, është fakt që kemi një kornizë, është fakt që kemi negociuar me institucione financiare që janë të përgatitura ta zbatojnë atë kornizë, por marrëveshje nuk është nënshkruar. Tani vijon një proces në të cilin Ministria e Financave do të hapë një dialog konkurrues me institucione financiare nga e gjithë bota, shumë prej tyre, përfshirë edhe këto institucione financiare me të cilat kemi biseduar, theksoi Mickoski, i cili dha edhe shembuj se si do të ndodhë kjo.
Pasi Ministria e Shëndetësisë të informojë Ministrinë e Financave, do t'i përfundojë projektet për spitalet në Shtip, Kërçovë, Tetovë, konviktin e studentëve, qendrën shëndetësore, do ta informojë Ministrinë e Financave se dëshiron t'i përfundojë ato dhe do të kërkojë që të sigurohen mjete. Gjithashtu NP HRMV Infrastruktura do të veprojë në të njëjtën mënyrë dhe do ta informojë Ministrinë e Financave. Ministria e Financave do të zhvillojë më pas një dialog konkurrues me institucionet financiare në botë, dhe oferta që do të jetë më e mira, atë do ta pranojmë. Kjo nuk do të thotë që ne do të pranojmë ofertën e institucionit financiar me të cilin kemi biseduar deri më tani. Nëse marrim një ofertë më të mirë financiare nga BERZH, ose nga EBRD ose nga BEI ose ndonjë bankë, ne do t'i pranojmë ato, shpjegoi Kryeministri, i cili gjithashtu u ndërlidh edhe me pyetjet për normat e interesit.
Dhe ku është dallimi, dhe është e saktë në publik kur flitet për normat e interesit, sa do të jenë ato, nëse ne vetë hyjmë në treg me rejtingun kreditor që kemi si vend, ai EURIBOR do të rritet me 3.5 - 4% sepse vlerësimi ynë i rejtingut kreditor është ai, BB minus. Por, nëse përdorim vlerësimin e rejtingut kreditor të Mbretërisë së Bashkuar, që është AAA, atëherë do të marrim normën më të ulët të mundshme të interesit që mund të marrë ndonjë vend. Sepse Mbretëria e Bashkuar, me atë marrëveshje strategjike, na thotë të vendosim vlerësimin tonë të rejtingut kreditor, ne jemi garant për ju, theksoi Mickoski.
Prandaj, kushdo që flet publikisht se unë si Kryeministër, dhe ju, deputetët, do t’i vëmë në borxh brezat e palindur, nëse është në funksion të qëllimeve politike, e kuptoj, por nëse e mendojnë vërtet, atëherë janë analfabetë ekonomik dhe politik, vlerësoi Kryetari i Qeverisë, i cili theksoi se kishte dëgjuar disa analiza të tilla nga ekonomistë për të cilët tha se duhet t’i grisin menjëherë diplomat.
Lidhur me transparencën, Mickoski theksoi se gjithçka që lidhet me këtë Marrëveshje do të jetë publike dhe nuk do të klasifikohet siç ka ndodhur në të kaluarën.
Nuk do ta klasifikojmë, nuk do ta kontrabandojmë me flamurin evropian, nuk ka asgjë të tillë. Marrëveshja për zbatimin e projekteve do të hyjë përsëri në Parlament. Dhe këtu një kompani e regjistruar ose afër selisë së një partie politike nuk do të vijë në Parlament për të qenë nënkontraktor ose kontraktor siç ka qenë dhe ka ndodhur në të kaluarën. Në vend të kësaj, do të jetë një kompani që ka realizuar, një kompani me portofol. Dhe nuk do të jetë një, por do të jenë tre deri në pesë, dhe ndoshta më shumë që do të shprehin interes. Nuk do të fshehim asgjë, çdo vidhë dhe dado do të ketë një çmim dhe do të jetë sipas parimit "Libër i Hapur". Për ata që nuk e dinë, janë çmime të përcaktuara dhe margjina në përqindje.
Garantoj se jo vetëm që nuk do të rritet borxhi neto, por edhe do ta ulim borxhin kur këto projekte të realizohen, konkludoi Kryeministri Hristijan Mickoski duke iu përgjigjur pyetjes së deputetëve lidhur me marrëveshjen strategjike me Mbretërinë e Bashkuar, me të cilën u hap një kornizë financiare prej pesë miliardë paund.
