Zëvendësministri për Politikë Sociale, Demografi dhe Rini, Gjoko Vellkovski, në tribunën e sotme të mbajtur në Qeveri lidhur me Planin Operativ 2025, me titull “Vizion për ndryshim”, informoi se Qeveria bën gjithçka që të rinjtë dhe familjet e tyre të mbeten në Maqedoni.
Ai sqaroi se përmes Planit Operativ, Ministria për Politikë Sociale, Demografi dhe Rini do të kontribuojë që sa më shumë të rinj të qëndrojnë në shtet dhe me këtë të formohen më shumë familje, që ndikon drejtpërdrejt në përmirësimin e situatës demografike.
Si shtet, prioriteti ynë i parë duhet të jetë ta sjellim situatën në zero dhe më pas, përmes zgjidhjeve sistematike, të fillojmë të ndërtojmë një trend pozitiv.
"Faleminderit për mundësinë për diskutim, por edhe për pyetjen që përfshin demografinë, të cilën ministrja tashmë e përmendi si një situatë me të cilën po përballemi në Maqedoni në periudhën e fundit. Shumë mirë tha se po bëjmë maksimumin që, para së gjithash, të rinjtë dhe familjet e tyre të qëndrojnë këtu, në Maqedoni. Ministria për Politikë Sociale, Demografi dhe të Rinj, vetëm rreth dhjetë muaj më parë, u transformua dhe e vendosi demografinë në agjendën si segment të rëndësishëm të punës sonë dhe kjo është përkthyer në të gjitha masat që po ndërmarrim sot, por edhe përmes vetë Planit Operativ, që kemi mundësinë ta shohim si element plotësues të të gjithë situatës, që të ndihmojë në atë që të rinjtë dhe të gjithë të tjerët, të gjejnë vendin e tyre të punës pikërisht këtu, në Maqedoni.
Gjithçka që është përfshirë si masa në vetë Planin Operativ, në secilën prej tyre, në të gjitha trajnimet apo shërbimet, janë elemente nga vetë ministria. Kur them elemente, mendoj për të gjithë ata faktorë për të cilët ministria ka për obligim të kujdeset. Këtu përfshihen përfituesit e ndihmës minimale të garantuar, gratë rome, personat me aftësi të kufizuara dhe të gjithë të tjerët, të cilët janë të përfshirë dhe mund të jenë përfitues të masave. Dhe kjo është mirë që secili prej tyre, para së gjithash si faktor në shoqëri, të mund të dalë pikërisht nga ajo sfidë e tanishme me të cilën përballen aktualisht. Qoftë kjo nga varfëria në të cilën ndodhen, apo nga gjendja e aftësisë së kufizuar, ku sot, në shoqëri, ekziston një mundësi e madhe për ta, para së gjithash si njerëz dhe individë, të bëhen pjesë e punësimit, e më pas edhe e rrethit të jetës socio-shoqërore.
Megjithatë, gjithçka që bëjmë sot – ndërtimin e një shteti juridik, vendosja e masave të tilla të përmirësuara me kushte më të mira, pikërisht për më të rinjtë dhe ata deri në moshën 29 vjeç – hap realisht mundësinë që ata të qëndrojnë këtu, në Maqedoni, të bëhen pjesë e sistemit të punësimit dhe të krijojnë jetën dhe familjen e tyre pikërisht këtu, në Maqedoni. Me këtë, mendoj se përgjigjja për një pjesë të çështjes së demografisë bazohet pikërisht në faktin se sa më shumë të rinj të qëndrojnë këtu, aq më shumë familje do të formohen në Maqedoni, gjë që do të ketë një efekt pozitiv të drejtpërdrejtë në demografi.
Hapi i parë, si shtet, është ta sjellim situatën në zero, e më pas të fillojmë të ndërtojmë një sistem që do ta çojë atë drejt një drejtimi pozitiv. Prandaj, vetë parimi i këtij Plani Operativ të Ministrisë, si dhe qasja që e kemi të gjithë – si Qeveri dhe ministri – në mënyrë të përbashkët dhe të pandashme, është që të kontribuojmë që demografia të jetë me të vërtetë prioriteti numër një në Maqedoni, në këtë moment," tha Velkovski.
