Лидерот на СДСМ Бранко Црвенковски треба да се подготви за дуел со историјата, рече македонскиот премиер Никола Груевски, одговарајќи дали ќе има телевизиски дуел со него.

- Црвенковски нека се подготви за дуел со историјата. Со мене има секојдневни дуели ако мислите на политички натпревар и постојано излегување на избори и постојани порази. Нека се подготви за дуел со историјата. Неговиот дуел е со историјата, истакна Груевски во интервју за емисијата „Икс Нула“ на Канал 5 телевизија.