“Nuk kam hequr dorë dhe as nuk do të heq dorë përderisa gjyqësori gëzon besimin e 2 për qind të qytetarëve, do të bëj gjithçka, fjalë për fjalë do të bëj gjithçka që kam në dorë që ato 2 për qind të jenë të paktën 12 për një vit. Do të bëj gjithçka. Por ajo që është përgjigja jonë në atë dokument që ju thoni është një përgjigje në bazë të ligjeve dhe Kushtetutës në fuqi. Ne si Qeveri nuk mund të dalim përtej legjislacionit aktual dhe Kushtetutës”, tha Kryetari i Qeverisë së Republikës së Maqedonisë së Veriut, Hristijan Mickoski, duke iu përgjigjur pyetjes së gazetarëve.

Kryeministri Mickoski apeloi tek opinioni ekspert që të paraqesë propozim për të rikthyer besimin e qytetarëve në gjyqësor.

"A kam hequr dorë?" Nëse marrim një propozim më të mirë për të cilin, apeloj, ju lutem, po e shfrytëzoj rastin, të gjithë ata që ishin kundër si nga BE-ja ashtu edhe nga opinioni ekspert, këtu ju lutem parashtroni, kanë kaluar muaj nëse nuk e dorëzoni atëherë ne arrijmë në përfundimin se po mbroni qëllimisht institucionet që nuk janë në gjendje të ofrojnë mbështetje mes qytetarëve më shumë se 2 për qind, institucione që nuk garantojnë sundimin e së drejtës, sepse 2 për qind në mesin e qytetarëve nuk është sundim i së drejtës dhe institucionet që i shërbejnë dikujt, dhe jo qytetarëve. Si Kryeministër, si Kryetar i Qeverisë që fitoi, duke dalë në krye të koalicionit, 450.000 qytetarë në zgjedhjet e këtij programi, nëse nuk marr një propozim më të mirë, nuk më mbetet gjë tjetër veçse ta pranoj atë propozim që po e promovoj më me zë të lartë dhe të kthej besimin e qytetarëve”, nënvizoi Kryeministri.

Kryeministri Mickoski sqaroi se nëse nuk ka besim në gjyqësor, nuk do të ketë investime të huaja, që do të kenë ndikim të madh në Buxhetin e shtetit dhe standardin e jetës së qytetarëve.

“Baza e funksionimit të kësaj Qeverie është sundimi i së drejtës, kjo do të thotë gjyqtarë dhe prokurorë që gjykojnë dhe akuzojnë në përputhje me Ligjin dhe Kushtetutën, e jo sipas urdhrave partiakë, nga selitë partiake apo qendra të tjera të pushtetit. Gjyqtarë dhe prokurorë që do të garantojnë sundimin e së drejtës dhe besimin mes qytetarëve.

Pse? Për shkak se nëse nuk kemi shtet ligjor, nuk do të kemi as investime, askush nuk do të dojë të investojë, nëse nuk kemi investime nuk do të kemi para në Buxhet, nëse nuk kemi para në Buxheti, shumë thjesht, nuk do të ketë para as për reforma në arsim, as për reforma në shëndetësi, as për paga më të larta, as për subvencione, as për shujta për të rinjtë, as për bursa, as për konvikte të reja studentore, as për mediat, as për askënd”, tha Kryeministri.

“Nuk do të mbroj askënd, nuk kam asnjë lëshim ndaj askujt, këtë duhet ta kuptojnë të gjithë dhe nuk heq dorë nga asgjë, vetëm në rast se marrim një propozim më të mirë”, tha Kryeministri dhe shtoi:

“U bëj thirrje që të mos fshihen pas komoditetit të pozitave që mbajnë, pavarësisht se nga vijnë, pavarësisht nëse janë përfaqësues të bashkësisë ndërkombëtar, nëse janë ekspertë vendas.

Ejani jam i gatshëm të flas me të gjithë,  bëni një propozim, kështu nuk funksionon, 2 për qind besim te qytetarët. Dhe teza ja këtu, ia lakuan dorën Mickoskit, kështu që tash bëri lëshim, është një tezë budallaqe. Ka 6 vjet që ma përdredhin krahun, nuk kemi pasur këtë lloj kapaciteti, atë lloj kapaciteti, kështu që e shihni që gjithçka që thanë, asgjë nuk doli kështu. Mjaft nga politika, populli pret veprime nga ne, të bëjmë jetën më të mirë, të ndërtojmë objekte të tilla, të mos ketë fëmijë në listën e pritjes, të ketë një standard më të mirë, të jetojnë më mirë, këtë presin ata. Tani a ma kanë përdredhur krahun,  nuk ma kanë përdredhur, askush nuk mund të ma  përdredh krahun, jam i madh, falë Zotit”.