“Pyetja e parë që ka të bëjë me listën pozitive të barnave që publikon Fondi i Sigurimeve Shëndetësore, me kënaqësi mund të them se nga drejtori jam informuar se do të zgjerohet me tetë barna të reja që nuk kanë qenë më parë në treg dhe me të cilën të siguruarit do kursejnë deri në 2 milion euro.

Barnat që i kanë paguar, vlerësoj që pas një kohe të gjatë po e rifreskojmë atë listë sipas drejtimit të vlerës së shtuar për siguruesit shëndetësorë”, sqaroi Kryetari i Qeverisë së Republikës së Maqedonisë së Veriut, Hristijan Mickoski, duke iu përgjigjur pyetjes gazetareske, nëse do të ketë një shtesë në listën pozitive të barnave.
Kryeministri Mickoski pret që në të ardhmen lista pozitive e barnave të zgjerohet edhe më shumë dhe të njëjtët të mos furnizohen përmes familjeve të privilegjuar të  furnizuesve të barnave.

“Unë e përshëndetës, përgëzoj dhe pres që në të ardhmen të zgjerohet edhe më shumë, gjë që do ta vendosë fokusin tek objektiviteti dhe jo të furnizuesit e privilegjuar të barnave,  të cilët në dekadat e fundit e kanë shterur sistemin shëndetësor dhe praktikisht e kanë sjellur sistemin shëndetësor siç janë vlerat e trefishuara të pajisjeve mjekësore, barnave etj. Dhe tani duan  shuma të mëdha të interesit të fitojnë  mbi kurrizin e qytetarëve, ndaj bllokojnë institucionet shëndetësore etj.”, tha Kryeministri.
Siç tha Kryeministri, Qeveria nuk ka interes tjetër përveç interesit të qytetarëve dhe pacientëve.
“Do të shqyrtojmë gjithçka, do të hetojmë gjithçka, por e mirëpres vendimin e drejtorit të Fondit, vetëm kështu mund të vazhdojmë të punojmë për një interes, pra interesin e qytetarëve dhe pacientëve, nuk kemi tjetër interes”, nënvizoi Mickoski.