Врз основа на член 81 став (1), став (2) и став (3) од Законот за спречување перење пари и  финансирање  на тероризам („Службен весник на Република Северна Македонија бр. 150/22, 208/24 и 59/25), Владата на Република Северна Македонија објавува

ЈАВЕН ОГЛАС Бр.39/2025

за именување на директор на Управата за финансиско разузнавање

1. Владата на Република Северна Македонија, ќе именува директор на Управата за финансиско разузнавање, со мандат од пет години со можност за реизбор.

2. За директор на Управата за финансиско разузнавање, може да биде именувано лице кое ги исполнува следниве услови:

1. Да е државјанин на Република Северна Македонија;
2. Да има стекнати 240 кредити според ЕКТС или VII/1 степен на образование;
3. Да има најмалку пет години работно искуство од областа на спречување на перење пари и финансирање на тероризам;
4. Не е осудено за кривични дела против имотот, кривични дела против јавните финансии, платниот промет и стопанството, кривични дела против службената должност, кривични дела против јавниот ред и кривични дела против човечноста и меѓународното право и други кривични дела;
5. Да има потврда или сертификат за положен испит за познавање на еден од четирите најчесто користени јазици во Европската Унија (англиски, француски, германски и италијански) на ниво Б2 од Европската референтна рамка за јазици, издадени од установа или институција во државата или од странство, регистрирана како давател на оваа услуга, не постари од пет години;
6. Активно да го користи македонскиот јазик;
7. Поседува сертификат за познавање на компјутерски програми за канцелариско работење.

3. За директор на Управата за финансиско разузнавање, може да биде именувано лице кое покрај условите наведени во точка 2 од огласот треба да ги исполнува и дополнителните критериуми кои се наведени во пријавата достапна на следниот линк:

      https://vlada.mk/sites/default/files/dokumenti/prijava_za_oglas_1.pdf ,

https://vlada.mk/sites/default/files/dokumenti/struktura_na_dopolnitelni...

4. Со пријавата кандидатите задолжително треба да ја достават следната документација:

1. Пријава по оглас;
2. Кратка биографија;
3. Мотивациско писмо;
4. План и програма за идна работа;
5. Уверение за државјанство на Република Северна Македонија;
6. Диплома или уверение за стекнати 240 кредити според ЕКТС или VII/1 степен на образование;
7. Доказ дека има најмалку пет години работно искуство од областа на спречување на перење пари и финансирање на тероризам;
8. Доказ дека не е осудено за кривични дела против имотот, кривични дела против јавните финансии, платниот промет и стопанството, кривични дела против службената должност, кривични дела против јавниот ред и кривични дела против човечноста и меѓународното право и други кривични дела;
9. Сертификат за положен испит за познавање на еден од четирите најчесто користени јазици во Европската Унија (англиски, француски, германски и италијански) на ниво Б2 од Европската референтна рамка за јазици, издадени од установа или институција во државата или од странство, регистрирана како давател на оваа услуга, не постари од пет години;
10. Доказ дека активно го користи македонскиот јазик;
11. Сертификат за познавање на компјутерски програми за канцелариско работење.

5. Документите од точка 4 треба да бидат поднесени во оригинал или копија заверена на нотар и истите се доставуваат до архивата на Владата на Република Северна Македонија или по пошта на адреса: Влада на Република Северна Македонија бул. „Илинден“ бр.2, 1000 Скопје со назнака: „За јавен оглас за именување директор на Управата за финансиско разузнавање“.

6. Бараните документи не ги супституираат досегашните форми определени со Законите и подзаконските акти под надлежност на МJА и посебните Закони кои ги определуваат општите и посебните услови за избор/именување.
7.   Бараните документи можат да бидат јавни (на web страницата) на Институцијата за кандидатот/ката кои се избрани/именувани, а во функција на транспарентност и следење на исполнување на истите од страна на надзорните органи (Влада, Собрание, Надзорните одбори и слични тела).
8. Коефициентот за пресметување на плата: е утврден согласно Одлуката за утврдување на коефициенти за пресметување на платата на функционерите кои ги именува Владата на Република Северна Македонија („Службен весник на Република Северна Македонија“ бр.31/25).
9. Рок за пријавување на заинтересираните кандидати е 5 (пет) дена, сметано од денот на објавувањето на огласот во дневниот печат.
10. Огласот ќе биде објавен и на веб страницата на Владата на Република Северна Македонија.
11. Некомплетната документација и документацијата доставена по истекот на рокот за аплицирање нема да биде разгледувана.