Врз основа на 4 и 4-а од Законот за заштита од јонизирачко зрачење и радијациона сигурност („Службен весник на Република Македонија “бр. 48/02, 135/07, 53/11, 164/13, 43/14, 149/15, 37/16 и 83/18 и „Службен весник на Република Северна Македонија“ бр. 30/24),  Владата на Република Северна Македонија објавува

ЈАВЕН ОГЛАС Бр.58/2025

за именување на директор на Дирекција за радијациона сигурност

1. Владата на Република Северна Македонија, ќе именува директор на Дирекцијата за радијациона сигурност, со мандат од четири години.
2. За директор на Дирекцијата се именува лице кое покрај општите услови утврдени со закон, треба да ги исполнува и следниве услови:

1. Да е државјанин на Република Северна Македонија;
2. Во моментот на именувањето со правосилна судска пресуда не му е изречена казна или  прекршочна санкција забрана за вршење на професија, дејност или должност;
3. Да има стекнати најмалку 240 кредити според ЕКТС или завршен VII/1 степен високо образование;
4. Да има минимум пет години работно искуство;
5. Поседува еден од следниве меѓународно признати сертификати за активно познавање на англискиот јазик не постар од пет години:
   • ТОЕФЛ ИБТ најмалку 74 бода,
   • ИЕЛТС (IELTS) - најмалку 6 бода,
   • ИЛЕЦ (ILEC) (Cambridge English: Legal) - најмалку Б2 (B2) ниво,
   • ФЦЕ (FCE) (Cambridge English: First) – положен,
   • БУЛАТС (BULATS) - најмалку 60 бода или
   • АПТИС (АPTIS) - најмалку ниво Б2 (B2).

3. За директор на Дирекцијата за радијациона сигурност, може да биде именувано лице кое покрај условите наведени во точка 2 од огласот треба да ги исполнува и дополнителните критериуми кои се наведени во пријавата достапна на следниот линк:

https://vlada.mk/sites/default/files/dokumenti/prijava_za_oglas_1.pdf ,

https://vlada.mk/sites/default/files/dokumenti/struktura_na_dopolnitelni...

4. Со пријавата кандидатите задолжително треба да ја достават следната документација:

1. Пријава по оглас;
2. Кратка биографија;
3. Мотивациско писмо;
4. План и програма за идна работа;
5. Уверение за државјанство на Република Северна Македонија;
6. Доказ за општа здравствена способност за работното место;
7. Доказ дека во моментот на именувањето со правосилна судска пресуда не му е изречена казна или  прекршочна санкција забрана за вршење на професија, дејност или должност;
8. Диплома или уверение за завршено високо образование со стекнати најмалку 240 кредити според ЕКТС или завршен VII/1 степен високо образование;
9. Доказ дека има минимум пет години работно искуство;
10. Меѓународно признат сертификат за активно познавање на англискиот јазик не постар од пет години:

• ТОЕФЛ ИБТ најмалку 74 бода,
• ИЕЛТС (IELTS) - најмалку 6 бода,
• ИЛЕЦ (ILEC) (Cambridge English: Legal) - најмалку Б2 (B2) ниво,
• ФЦЕ (FCE) (Cambridge English: First) – положен,
• БУЛАТС (BULATS) - најмалку 60 бода или
• АПТИС (АPTIS) - најмалку ниво Б2 (B2).

5. Документите од точка 4 треба да бидат поднесени во оригинал или копија заверена на нотар и истите се доставуваат до архивата на Владата на Република Северна Македонија или по пошта на адреса: Влада на Република Северна Македонија бул. „Илинден“ бр.2, 1000 Скопје со назнака: „За јавен оглас за именување на директор на Дирекцијата за радијациона сигурност “.
6. Бараните документи не ги супституираат досегашните форми определени со Законите и подзаконските акти под надлежност на МJА и посебните Закони кои ги определуваат општите и посебните услови за избор/именување.
7. Бараните документи можат да бидат јавни (на web страницата) на Институцијата за кандидатот/ката кои се избрани/именувани, а во функција на транспарентност и следење на исполнување на истите од страна на надзорните органи (Влада, Собрание, Надзорните одбори и слични тела).
8. Коефициентот за пресметување на плата: е утврден согласно Одлуката за утврдување на коефициенти за пресметување на платата на функционерите кои ги именува Владата на Република Северна Македонија („Службен весник на Република Северна Македонија“ бр.31/25).
9. Рок за пријавување на заинтересираните кандидати е 5 (пет) дена, сметано од денот на објавувањето на огласот во дневниот печат.
10. Огласот ќе биде објавен и на веб страницата на Владата на Република Северна Македонија.
11. Некомплетната документација и документацијата доставена по истекот на рокот за аплицирање нема да биде разгледувана.