Претседателот на Владата на Република Македонија, г-дин Никола Груевски, денеска (понеделник, 16.07.2012 година) оствари средба со директорот на Директоратот за проширување на Европската Комисија, г-дин Стефано Санино.

На средбата во детали се дискутираше за обврските содржани во Оперативниот патоказ за реализација на Претпристапниот дијалог на високо ниво, беа разгледани реформите што досега се презедоа од страна на Владата, како и идните активности кои ќе бидат преземени во насока на заокружување на процесот.