Претседателот на Владата на Република Северна Македонија, Зоран Заев и заменик-министерот за надворешни работи, Андреј Жерновски беа пречекани со церемонија со највисоки државни почести од Претседателот на Владата на Црна Гора Душко Марковиќ, како дел од програмата на дводневната официјална посета.

Двајцата премиери потоа одржаа тет-а-тет средба на која разговараа дека традиционалните пријателски односи меѓу двете земји имаат светла перспектива за дополнителен развој на односите на економски план, особено на директен план на стопанствениците на Северна Македонија и Црна Гора.

Премиерот Заев го запозна црногорскиот премиер со актуелната политичка ситуација во Република Северна Македонија, која со успешно спроведените избори за Претседател на државата и со темпото на реформските процеси, со право го очекува одобрувањето на стартот отворањето на преговорите по поглавја од Европската Комисија.

Двајцата премиери со силно одобрување и надеж ја очекуваат заедничката седница меѓу владите на двете земји, и посебно резултатите од Бизнис Форумот во организација на стопанските комори на Северна Македонија и Црна Гора.

Според програмата на првиот ден од официјалната посета на делегацијата на Владата на РСМ, премиерот Заев ќе оствари средби и со  Претседателот на Црна Гора, Мило Ѓукановиќ и од Претседателот на Собранието на Црна Гора, Иван Брајовиќ. 

• Премиерот Заев оствари средби со претседателот на Црна Гора, Ѓукановиќ и со претседателот на црногорското Собрание, Брајовиќ
• Вицепремиерот Анѓушев, министрите Сугарески и Николовски на билатерална средба со колегите од Црна Гора: Подобрувањето на инфраструктурната поврзаност е клучно за зголемување на трговската размена помеѓу двете држави
• Премиерот Заев на Бизнис форумот во Подгорица, Црна Гора: Отвораме можности за идни продлабочени врски со поддршката на бизнисмените и нивните иницијативи во Црна Гора и Северна Македонија
• Од заедничката седница на двете влади на Северна Македонија и Црна Гора во Подгорица: Отвореноста и довербата меѓу двете земји овозможува неограничен простор за јакнење на врските во сите области од заеднички интерес
• Премиерот Заев на прес-конференција во Подгорица, Црна Гора: Му дадовме поттик на позитивниот тренд на соработка во сите области од заемен интерес на двете земји и во интерес на нашите граѓани