Министерот за надворешни работи на Република Македонија, Никола Попоски, денеска, го прими Јануш Бугајски, претседавач на програмата Lavrentis Lavrentiadis од проектот за Новите европски демократии на американскиот Центар за стратегиски и меѓународни студии, со седиште во Вашингтон.

На средбата беше разговарано за актуелните состојби и реформските процеси во нашата држава, како и за стратешките приоритети во внатрешната и надворешна политика на Владата на Република Македонија, со посебен акцент на евроатлантските интегративни процеси на нашата држава. Министерот Попоски го нагласи интересот и определбата на Република Македонија за континуирано надградување на добрососедски односи, за зајакнување на регионалната безбедност и стабилност, како и за забрзана интеграција на целиот регион во евроатлантските и во европските структури.

Во разговорот, беа разменети мислења и за билатералните односи и соработката меѓу Република Македонија и Соединетите Американски Држави.