Агенцијата за млади и спорт со поддршка на партнерите Мисијата на ОБСЕ во Скопје, Фондот за население на Обединети нации (УНФПА) и Програмата за развој на Обединети Нации (УНДП) продолжува со консултации и јавни дискусии за Националната стратегија за млади 2023-2027 кои ќе се спроведуваат на локално ниво во следните општини:
- Штип – 03.03.2023 (петок), со почеток во 9:30 часот во Млади хаб, Дом на Култура „Ацо Шопов“
- Битола – 03.03.2023 (петок), со почеток во 9:30 во Офицерски дом
- Велес – 07.03.2023 (вторник), со почеток во 9:30 во Младински центар „Библиотека“
- Куманово – 09.03.2023 (четврток), со почеток во 9:30 во Занаетчиски дом
- Струга – 09.03.2023 (четврток), со почеток во 9:30 во Совет на општината
- Гостивар – 10.03.2023 (петок), со почеток во 9:30 во младински центар на заедницата YCC
- Струмица – 10.03.2023 (петок), со почеток во 9:30 во Дом на АРМ
- Делчево – 13.03.2023 (понеделник), со почеток во 9:30 во Мултифунционален центар во Спомен-дом АСНОМ
На овие консултативни настани поканети се сите заинтересирани млади, претставници на формите на младинско организирање, средношколци, студенти и други групи на млади кои сакаат да дадат придонес и да учествуваат во креирањето на новата Национална стратегија за млади, која има за цел подобрување на социо-економската положба на младите и кон создавање на средина која ќе им овозможи на младите да ги остварат своите права, потреби и интереси.
Првата драфт верзија на текстот на стратегијата веќе е објавен на ЕНЕР (електронски национален регистар на прописи на Република Северна Македонија) и може да се пристапи преку следниот линк: shorturl.at/eMRSV или преку Агенција за млади и спорт: shorturl.at/ehBNR, со што се отворени и дополнителни можности за ваши коментари, прашања и сугестии во насока на креирање на стратешки документ по мерка на младите.
На консултациите присутни ќе бидат експертите кои работат на подготовка на стратегијата, претставници на институции и меѓународни организации, како и претставници од
формите на младинско организирање.
За дополнителни информации околу консултациите, може да се обратите на Гордана Цекова – Помошник раководител на сектор млади, на следниот меил: gordana@ams.gov.mk
Процесот на креирање на новата Национална стратегија за млади 2023-2027 е поддржан од Мисијата на ОБСЕ во Скопје, Фондот за население на Обединети нации (УНФПА) и Програмата за развој на Обединети Нации (УНДП) во рамките на регионалниот проект „Млади за инклузија, еднаквост и доверба“, финансиран од United Nations Peacebuilding имплементиран од страна на УНДП, УНФПА, УНЕСКО и UN Women.
