Во гостиварско Врапчиште денеска беше означен почетокот на изградбата на објектот за филтерската станица на водоснабдителниот систем, во присуство на вицепремиерот  за Рамковен договор Муса Џафери и министерот за животна средина и просторно планирање Абдилаќим Адеми. 

Според Адеми, проект ќе биде помогнат и од Министерството за животна средина и просторно планирање  за што од Буџетот за годинава веќе се обезбедени 6 милиони денари.

 - На овој начин, сметам дека освен што ќе обезбедиме квалитетна и чиста вода, ќе влијаеме и на заштитата на здравјето на жителите на од селата Зубовце, Галате и Врапчиште, рече министерот Адеми.

Изградбата на филтерската станица ќе чини околу 17 милиони денари. Во неа ќе бидат вградени автоматски двослојни филтри, а капацитетот ќе биде 30 литри во секунда. Во инвестицијата со свои финансии учествува и општина Врапчиште.

Од водоводот во Врапчиште со вода за пиење се снабдуваат околу седум илјади жители.