Qeveria e Republikës së Maqedonisë së Veriut, në kuadër  të vazhdimit të mbledhjes së rregullt 171-të sot miratoi Vendimin për Miratimin e  mjeteve nga buxheti i Republikës së Maqedonisë së Veriut për vitin 2019 për blerjen e pjesës së GA-MA SHA Shkup.

Me këtë vendim,  mjetet nga buxheti për vitin 2019, në shumë prej 1.930.000.000 denarë do t'i paguhen  buxhetit në një llogari të veçantë të caktuar të  Resurseve Nacionale  të Energjisë SHA (RNE SHA.), që do të përdoret  veçanërisht për qëllimin, gjegjësisht  rikapitalizimin të pronësisë së GA-MA SHA, si një kompani, e cila në përputhje me rregulloren e BE-së, do të jetë një importues e gazit në vendin tonë.

Në këtë të mbledhje janë miratuar ndryshimet në Programin për zvogëlimin e ndotjes së ajrit për vitin 2019, sipas të cilit ndahen 741.000.000 denarë për ndërrim të sistemit ndotës për ngrohje në objektet publike dhe në amvisëritë, si dhe për pajisje për efikasitet energjetike dhe krijimin e sipërfaqeve të reja të gjelbra urbane.

Prej këtyre mjeteve, 620.000.000 denarë do t’u transferohen komunave në Shkup, Tetovë, Manastir dhe Kërçovë, me çka mundësohet faza e dytë nga projekti për ndërrim të trupave ngrohëse të derivateve ndotëse fosile me inverter klima me efikasitet të lartë për 10.000 amvisëri.

Në këtë mbledhje të rregullt të 171-të Qeveria e RMV-së,  mori vendim  ta pranojë kërkesën e Komunës së Krushevës që nga buxheti qendror të miratohen 4,2 milionë denarë për financimin e projektit “Ndërtimi i një pjese të infrastrukturës në Qendrës për paraglajding në Krushevë”.