Qeveria e Republikës së Maqedonisë së Veriut në mbledhjen e 108-të e shqyrtoi dhe e miratoi informacionin për nevojën për lidhjen e një teksti të ri të harmonizuar të Amendamentit nr. 1 të Marrëveshjes për Grant për partneritet  për zhvillim mes Republikës së Maqedonisë së Veriut dhe Shteteve të Bashkuara të Amerikës dhe e autorizoi ministrin e Financave, Fatmir Besimi të nënshkruajë Marrëveshjen me amendamentin e ri sipas të cilit USAID e rrit kontributin e përgjithshëm prej 8.258.792 dollarë në 56,610,000.

Këto fonde USAID-i do t’i ndajë gjatë 4-5 viteve të ardhshme për projekte për përforcimin e konkurrencës ekonomike, për  rritjen e kontributit të të rinjve në shoqëri dhe për projekte dhe programe për zvogëlimin e korrupsionit.

Në këtë mbledhje, Qeveria e miratoi tekstin e Propozim-ligjit për ndryshimin dhe plotësimin e Ligjit për institucionet, i cili përputhet me Planin për Luftë Kundër Korrupsionit dhe i cili  parashikon që të krijohet një procedurë meritore për përzgjedhjen dhe emërimin e anëtarëve të këshillave drejtues dhe mbikëqyrës në institucionet publike, futjen e transparencës në procedurën për aplikim dhe përzgjedhje, si dhe zvogëlimi i numrit të anëtarëve të institucioneve publike drejtuese dhe mbikëqyrëse.

Me propozim të Ministrisë së Financave, sot u miratua teksti i Propozim-ligjit për Stabilitet financiar që të kontribuojë në ruajtjen e stabilitetit të sistemit financiar në tërësi; të parandalojë dhe të zvogëlojë grumbullimin e rreziqeve sistemike; të forcojë qëndrueshmërinë e sistemit; të sigurojë  kontribut të qëndrueshëm të sistemit financiar në rritjen ekonomike dhe të arrijë harmonizimin me Rregulloren (BE) nr. 1092/2010 për mbikëqyrjen makroprudenciale të sistemit financiar të Bashkimit Evropian dhe formimin e një Bordi Evropian për rrezik sistemik.

Ligji, miratimi i të cilit  propozohet duhet të sigurojë stabilitetin e sistemit financiar dhe siguri dhe barazi më të madhe të subjekteve financiare.

Qeveria e Republikës së Maqedonisë së Veriut e shqyrtoi dhe e miratoi Informacionin për sigurimin e WiFi falas shtetëror në zona të hapura publike, si pjesë e Programit të Punës së Qeverisë.

Për realizimin e këtij programi, Qeveria miratoi  rekomandim për Ndërmarrjen Publike Radiodifuzioni Nacional- Shkup si bartës i realizimit të projektit që siguron WiFi falas shtetëror në zona të hapura publike nëlokacione me interes për turistët nga operatorët e telekomunikacionit deri në fund të 2021 në bashkëpunim me Ministrinë e Shoqërisë  Informatike dhe Administratës, Agjencisë për Promovimin dhe Mbështetjen e Turizmit dhe bashkësitë e vetëqeverisjes lokale që të përgatisë dhe të paraqesë një propozim Lista e lokacioneve për sigurimin e WiFi falas shtetëror për të gjithë territorin e vendit, për marrjen e pëlqimit nga Qeveria të Republikës së Maqedonisë së Veriut, në përputhje me Rekomandimet për sigurimin e WiFi falas shtetëror në zona të hapura publike.

Deri në fund të muajit prill 2022, në bashkëpunim me Ministrinë e Shoqërisë  Informatike dhe Administratës, Zyrën Nacionale për Kompetencë Broadband dhe Agjencinë për Komunikime Elektronike do të zhvillojnë takime publike me operatorët e interesuar dhe bashkësitë e vetëqeverisjes lokale për realizimin  e sigurimit  WiFi pa tel falas në lokacionet e miratuara me interes për turistët.

Në mbledhjen e sotme, Qeveria e miratoi Strategjinë për Zhvillimin e Sistemeve Informatike -Teknologjike dhe Kompjuterike të Drejtorisë Doganore për periudhën 2021 - 2025, me qëllim të koordinimit dhe zhvillimit në kohë të sistemeve nacionale në kuadër të Drejtorisë Doganore dhe për lidhjen e tyre me sistemet e BE-së, në mënyrë që të arrihen qëllimet e mëposhtme strategjike:

• Ndërlidhja dhe ndërveprimi me sistemet e TIK -ut të BE -së;

• Zbatimi i standardeve për integrim me Platformën Nacionale për Ndërveprim;

• Avancimi i mjedisit të TIK -ut;

• Zbatimi i teknologjive dhe praktikave bashkëkohore për implementimin e kërkesave afariste;

• Avancimi i zbatimit të internetit, intranetit dhe rrjeteve sociale në punën doganore.

Përmbushja e qëllimeve strategjike është në drejtim të  realizimit të  Planit Strategjik Shumëvjeçar të BE -së për zbatimin e e -Doganës (MASP) dhe harmonizimin me Ligjin e ri Doganor të BE -së (Union Customs Code – UCC).  Realizimi  në kohë i aktiviteteve të përcaktuara në këtë dokument janë pjesë e parakushteve gjatë plotësimit të  kritereve të Drejtorisë Doganore për aderimin e Republikës së Maqedonisë së Veriut në Bashkimin Evropian.