Министерот за економија, Бесар Дурмиши, на седницата за пратенички прашања, одговарајќи на прашања од поранешниот претседател на Собранието, Талат Џафер. Исто така Дурмиши рече  дека од кога дојде на позицијата министер бараше да дојде државната ревизија  да изврши контролла на целосното функционирање на институцијата да се види што наследиле. Тој рече дека покрај ова извршил и внатрешна ревизија како функционирало Министерството за економија.
Дурмиши рече дека во однос на начинот на добивање на лиценцата детално ја објаснил постапката.
„Покажав дека Министерството за економија нема законска надлежност и нема механизам да контролира дали кафеана има лиценца или не, а уште помалку дали е фалсификувана или не“, рече Дурмиши.
Дурмиши рече дека пронашле и други фалсификувани дозволи кои биле издадени во претходниот период, а не во времето кога тој бил министер.
„Знам дека сакате да излезете со тоа дека ја барате вистината. Но, всушност, сакам да ви кажам дека вас и на вашата партија не ве интересира вистината. Ве интересира како да ја искористите секоја ситуација за да крените врева и да извлечете политички бенефиции во моментот. Тоа не е нешто ново за граѓаните, тие се навикнати на Вас и сите процедури, што им ги спомнав, се прашања кои припаѓаат на релевантните институции.
Дурмиши понатаму се обрати до Џафер и останатите од ДУИ, велејќи дека е цинично тие да бараат одговорност, знаејќи дека во нивно време се случило: Дурмо Турси, Беса Транс, модуларната болница Тетово, а се уште никој не е изведен пред судот.
За разлика од тие случаи, сега првпат 34 лица се соочуваат со правдата за една трагедија што се случи“, заклучи Дурмиши.