„Добар ден и од мене,

На почеток, како што е редот, би сакал на сите православни христијани да им го честитам големиот православен христијански празник Голема Богородица, а на сите граѓани да им посакам здравје, пред сè среќа и успех за нивните семејства, бидејќи тоа е она коешто е многу важно за сите нас, бидејќи на тој начин можеме да имаме мотивација да правиме повеќе, не само за семејството, туку и за Македонија, како наша татковина.

Истовремено, би сакал да изразам моја голема благодарност до потпретседателот на Владата и министер за транспорт, до директорот на Јавното претпријатие за „Државни патишта“, до пратеникот во македонскиот парламент, до сите вработени во министерството, во јавното претпријатие „Државни патишта“, до сите оние коишто придонесуваат Македонија да денес да се гради како никогаш. Ширум Македонија ние имаме повеќе од 1.200 градилишта — нешто што досега не се случило.

Повеќе од половина милијарда само средства финансирани од страна на централниот буџет кон општините. Ако праксата во минатото беше Македонија да се краде, сега е пракса Македонија да се гради. И така ќе продолжи во годините коишто следат.

Ако на тие половина милијарда евра ги додадете проектите коишто ги води Владата на централно ниво, оние капитални инвестиции коишто се спроведуваат и преку Јавното претпријатие „Државни патишта“, тогаш доаѓаме до неколку милијарди евра проекти коишто во моментот се реализираат, но исто толку проекти коишто и во годините коишто следат ќе бидат реализирани.

Спомена министерот за транспорт за патот од Страцин до Крива Паланка — оној експресниот. Јас би сакал да кажам дека во неформалниот дел пред оваа изјава разговаравме дека се развива и оној патен правец од Романовце до Страцин, којшто очекуваме во периодот којшто следи исто така да биде дел од јавна процедура.

Тендерската процедура, бидејќи, како што разбрав, експропријацијата е целосно завршена, се прави ревизија на проектот и очекувам и тука да почне јавната набавка и тој проект да почне со реализација, за да може од Скопје до Крива Паланка да се стига за помалку од 45 минути — нешто што мислам дека е добро за граѓаните од овој дел на Македонија.

Така што можам да кажам дека со овие преубави православни христијански празници доаѓаат и преубави вести за граѓаните ширум Македонија. Така што, уште еднаш — нека ни е аирлија и со бериќет, нека ни е овој нов проект којшто значи реконструкција и продолжување на изградбата на патните правци коишто се дел од коридорот 8.

Ви благодарам“.